Hi

బ్యాక్ బెంచ్ స్టూడెంట్ అంటే చదువు సరిగా రానోడు. చదువు అంటే పెద్దగా నచ్చనోడు. సీరియస్ గా చదివి, డిగ్రీలు, సర్టిఫికెట్లు సంపాదించి, తరువాత ఉద్యోగం చెయ్యాలి అనే కాన్సెప్ట్ నచ్చనివాడు. అటువంటివాడు జీవితంలో రాణి౦చాడా? రాణిస్తే ఎలా రాణించాడు? అటువంటివాడిని ఒక చదువు మీద ఆసక్తి చూపించే అమ్మాయి ప్రేమిస్తే ఎలా ఉంటుంది? అనేది సబ్జెక్ట్.

కథోపాయం:

జీవితంలో సంతోషంగా ఉండాలన్నా, పైకి రాణి౦చాలన్నా, డిగ్రీలు, సర్టిఫికెట్లు అవసరంలేదు, టాలెంట్ ఉంటే చాలు. పిల్లల చదువు, కెరీర్ విషయంలో తల్లిదండ్రుల ఇష్టాలు వాళ్ళమీద రుద్ది వాళ్ళను ఒత్తిడికి గురి చేయకూడదు. ఇంకా, సామాజిక బాధ్యత వహిస్తే ఆపైన వచ్చే సంతృప్తే వేరు. వీటన్నింటి చూట్టూ కథ తిరుగుతుంటుంది.

అనుకూలం:

పాయింట్ చిన్నదైనా, కథ బాగుండటం, కథానాయకుడి పాత్ర పోషించిన మహాత్ రాఘవేంద్ర నటన బాగుండటం..

ప్రతికూలం:

కథనం (కథ చెప్పే విధానం) చాలా నెమ్మదిగా ఉండి, అస్సలు ఆకట్టుకునేలా లేదు. పైగా కథ చిన్న పాయింట్ అవ్వడంవలన కూడా, కథనం సాగతీసినట్లయి బోరు కొడుతుంది. పాటల నడక కూడా నేమ్మదే.

చదువే ముఖ్యం అనుకొని వెళ్ళిపోయినంతమాత్రాన, నాలుగు సంవత్సరాలనుంచి ప్రేమించిన అమ్మాయిని ఈజీగా పక్కకి పెట్టేసి, బ్యాక్ బెంచ్ స్టూడెంట్ ఇంకొక అమ్మాయితో ప్రేమలో పడటం ఏమిటో? తరువాత, అతనిని గాఢ౦గా ప్రేమించిన ఆ రెండో అమ్మాయి కూడా, వీడికి ఇంతకుముందే గర్ల్ ఫ్రెండ్ ఉందని తెలియగానే, నన్ను మోసం చేసావని అతనికి దూరమయ్యే ప్రయత్నం చెయ్యడమెందుకో?. చివరికి, తన గాఢమైన ప్రేమను సింపుల్ గా ప్రక్కన పెట్టేసి, మొదటి అమ్మాయి తన ప్రేమను త్యాగం చేయడమేమిటో?. చివర్లో, తనను గాఢ౦గా ప్రేమించిన, ప్రేమిస్తునేఉన్న అమ్మాయిని అస్సలు పట్టిచుకోకుండా వేరే అమ్మాయితో కమిట్ అవ్వడం ఏమిటో?

చివరగా: పర్వాలేదు, ఒకసారి చూడొచ్చు.